Putin yo‘qotishlarga qaramay, bahorda Ukrainaga qarshi yangi hujumni rejalashtirmoqda — Bloomberg
Ukrainaga bosqindan deyarli bir yil o‘tib, Vladimir Putin yangi hujumga tayyorgarlik ko‘rmoqda. U Rossiyani AQSH va uning ittifoqchilari bilan uzoq yillar davom etishi kutilayotgan mojaroga tayyorlamoqda, deya xabar berdi Bloomberg.
Nashrda keltirilishicha, Kreml o‘z kuchlari bir necha oylik mavqeini boy berganidan keyin tashabbusni qaytarib olishi mumkinligini namoyish qilmoqchi. Rossiya kuchlarining frontda doimiy muvaffaqiyatsizlikka uchragani va muhim inson resurslarini yo‘qotishi Kremldagi ko‘pchilikni o‘zlarining ambitsiyalariga real qarashga undagani, hatto hozirgi front chizig‘ini ushlab turish ham yutuq bo‘lishi ta’kidlanadi.
“Ammo Putin Rossiya urushdagi yo‘qotishlarga va muvaffaqiyatsizliklarga qaramay g‘alaba qozonishga ishonchi komil”, — deydi Bloomberg.
Kremlga yaqin odamlarning fikricha, yangi hujum fevral yoki mart oylarida boshlanishi mumkin. Ularning izohlari Ukraina va uning ittifoqchilari Rossiyaning yangi hujumi yaqinlashayotgani haqidagi ogohlantirishini tasdiqlaydi. Bu Ukraina Amerika va Yevropa jangovar tanklarining va‘da qilingan zaxiralarini olishidan oldin boshlanishi mumkinligini ko‘rsatadi.
“Putin ishlar qanday ketayotganidan hafsalasi pir bo‘ldi, lekin u o‘z maqsadlaridan voz kechishga tayyor emas. Bu ko‘p qon to‘kilishi va hamma uchun yomonroq bo‘lishini anglatadi”, — dedi siyosiy maslahatchi Tatyana Stanovaya.
AQSH va Yevropa razvedkasi rasmiylari, hatto o‘tgan yilning kuzida qo‘shimcha 300 ming askarni safarbar qilganidan keyin ham Rossiyada yangi hujum uchun resurslar bormi, degan savol tug'ilishini bildirdi.
Ayni paytda Ukraina ittifoqchilari qurol-yarog‘ yetkazib berishni kuchaytirib, birinchi marta zirhli texnika va asosiy jangovar tanklarni yetkazib berishga hozirlik ko‘rmoqda, bu esa Ukraina kuchlariga Rossiya pozitsiyalarini yorib o‘tishga yordam beradi.
“Ammo Rossiyaning Baxmut kabi cheklangan strategik ahamiyatga ega boʻlgan joylarga hujumi Ukraina kuchlarini charchatib, boshqa joyga yo‘naltirdi va Kiyevning boshqa joylarda hujum operatsiyalarini o‘tkazish qobiliyatiga putur yetkazdi”, — deyiladi maqolada.
Yoz va kuzda Ukraina qo‘shinlarining Rossiya mudofaa chizig‘ini kesib o‘tgan chaqmoq hujumlaridan so‘ng, Rossiya dronlarning har qanday potensial oldinga siljishini sekinlashtirish uchun mudofaani kuchaytirdi. Kreml hozircha keyingi safarbarlik rejasi yo‘qligini ta’kidlagan.
“Uzoq muddatli istiqbolda Putin kelgusi bir necha yil ichida qurolli kuchlarni deyarli 50 foizga kengaytirish, Finlyandiya yaqinida va Ukrainaning vaqtincha bosib olingan hududlarida yangi kuchlarni joylashtirish rejalarini tasdiqladi. Maktab va oliy o‘quv yurtlarida so‘nggi marta Sovet Ittifoqi davrida o‘tkazilgan harbiy tayyorgarlik kurslari tiklanmoqda”, — deydi Bloomebrg.
Ta’kidlanishicha, AQSH va Yevropa harbiy amaldorlari mojaro tez orada Birinchi Jahon urushi uslubidagi jangovar toʻqnashuvlarga aylanib ketishidan qoʻrqmoqda.
Mavzuga doir:
- Rossiya armiyasi Ukrainadagi urushda taktikani o‘zgartirdi
- Medvedev Ukrainadagi maxsus operatsiyani “yangi Vatan urushi” deb atadi
- Pentagon Rossiya va Ukrainani muzokaralarni boshlashga chaqirdi
