Namangan viloyati Bojxona boshqarmasi xodimlari DXX va IIB xodimlari bilan hamkorlikda noqonuniy olib kirilgan tovarlarni aniqlash bo‘yicha tezkor tadbir o‘tkazdi. Bu haqda “Daryo” muxbiri Azizbek Abduvaliyev xabar bermoqda.
Viloyatning Yangiqo‘rg‘on tumanida o‘tkazilgan tadbir davomida Nanay—Namangan yo‘nalishida harakatlanayotgan Lacetti rusumli avtomashina “Qizilyozi” mahallasi hududida tashkil etilgan nazorat-o‘tkazish postida to‘xtatilib, xolislar ishtirokida ko‘zdan kechirildi.
Foto: Namangan viloyati Bojxona boshqarmasi axborot xizmati
Ko‘zdan kechirish davomida avtomobil gaz balloni ichida xorijda ishlab chiqarilgan, hech qanday hujjatlari bo‘lmagan 93 dona uyali telefon apparati borligi aniqlandi. Jami 10 turdagi ushbu telefonlarning umumiy qiymati 200 million so‘mdan oshadi.
Hozirda mazkur holat yuzasidan tergovga qadar surishtiruv ishlari olib borilmoqda.
Izoh (0)