Samarqand shahri dunyo taniydigan megapolisga, xalqaro turizm va biznes markaziga aylantiriladi. Bu jamoatchilik muhokamasiga qo‘yilgan 2023-yilgi davlat dasturi loyihasida ko‘zda tutilgan.
Unga ko‘ra, Shanxay hamkorlik tashkilotiga a’zo davlatlar elchilari bilan sayyohlarni olib kelish choralari ko‘riladi.
Bunda:
- Qirg‘izistondan – 176 ming;
- Qozog‘istondan – 190 ming;
- Pokistondan – 29,4 ming;
- Rossiyadan – 88,2 ming;
- Tojikistondan- 176 ming;
- Hindistondan – 22 ming;
- Xitoydan – 15 mingga yaqin;
- Erondan – 22 ming nafar sayyohlar jalb qilinadi.
Shuningdek, Samarqand shahar Beruniy ko‘chasi 1-uyda joylashgan madaniy meros obyekti qayta ta’mirlanib, uning negizida “Ipak yo‘li” san’at galereyasi tashkil etiladi. Samarqand shahar Mahmud Qoshg‘ariy ko‘chasi 85A uyda joylashgan madaniy meros obyekti rekonstruksiya qilinib, uning negizida “Art rezidensiya” tashkil qilinadi.
Samarqand viloyati hokimligi, Tashqi ishlar vazirligi, Madaniyat va turizm vazirligi, Transport vazirligi, Qurilish va uy-joy kommunal xizmat vazirligi topshiriqlar ijrosi uchun mas’ul etib belgilandi.
Izoh (0)