Наманган вилояти Божхона бошқармаси ходимлари ДХХ ва ИИБ ходимлари билан ҳамкорликда ноқонуний олиб кирилган товарларни аниқлаш бўйича тезкор тадбир ўтказди. Бу ҳақда “Дарё” мухбири Азизбек Абдувалиев хабар бермоқда.
Вилоятнинг Янгиқўрғон туманида ўтказилган тадбир давомида Нанай—Наманган йўналишида ҳаракатланаётган Lacetti русумли автомашина “Қизилёзи” маҳалласи ҳудудида ташкил этилган назорат-ўтказиш постида тўхтатилиб, холислар иштирокида кўздан кечирилди.
Фото: Наманган вилояти Божхона бошқармаси ахборот хизмати
Кўздан кечириш давомида автомобиль газ баллони ичида хорижда ишлаб чиқарилган, ҳеч қандай ҳужжатлари бўлмаган 93 дона уяли телефон аппарати борлиги аниқланди. Жами 10 турдаги ушбу телефонларнинг умумий қиймати 200 миллион сўмдан ошади.
Ҳозирда мазкур ҳолат юзасидан терговга қадар суриштирув ишлари олиб борилмоқда.
Изоҳ (0)