Qo‘yliq bozoridan Food City’gacha bepul avtobus qatnovi yo‘lga qo‘yildi

Toshkent shahridagi Qo‘yliq dehqon bozori atrofida ta’mirlash ishlari olib borilmoqda. “Toshshahartransxizmat” holat yuzasidan ma’lumot berdi.

Qayd etilishicha, 10-fevraldan boshlab Qo‘yliq dehqon bozori orqali harakatlanuvchi 39, 45, 110, 122, 130-sonli avtobus yo‘nalishlari va 8I, 9I, 25M, 61M, 55M, 73M, 99M, 170M, 191M, 195M-sonli yo‘nalishli taksi yo‘nalishlarining harakati Food City savdo majmuasi avtoshohbekatiga uzaytiriladi.

Bundan tashqari Food City savdo majmuasi ma’muriyati tomonidan yo‘lovchilarga qo‘shimcha qulayliklar yaratish maqsadida, Food City savdo majmuasi—Qo‘yliq 7-metro bekati yo‘nalishida harakatlanuvchi, 6 ta jadval asosida bepul avtobus yo‘nalishi harakati yo‘lga qo‘yiladi.