2022-yilda O‘zbekistonda ko‘rsatilgan transport xizmatlari tahlil qilindi. Bu haqda Prognozlashtirish va makroiqtisodiy tadqiqotlar instituti xabar berdi.
2022-yil yakunlariga ko‘ra, O‘zbekistonda ko‘rsatilgan bozor xizmatlari hajmi 357,5 trln so‘mni tashkil etgan. Transport xizmatlari iqtisodiy faoliyat turlari bo‘yicha bozor xizmatlari tarkibida savdo xizmatlaridan keyin ikkinchi o‘rinni egallagan (22,7 foiz).
Transporti xizmatlari orasida avtomobil transporti eng katta ulushga ega (51 foiz). Undan keyingi o‘rinlarni havo transporti (14,2 foiz), quvurlar orqali yetkazish (13,1 foiz) va temir yo‘l transporti (11,4 foiz) egallagan.
Mamlakat hududlari bo‘yicha ko‘rsatilgan transport xizmatlarining umumiy hajmida eng katta ulushga ega hududlar:
- Toshkent shahri — 13,1 trln so‘m (25,5 foiz);
- Toshkent viloyati — 5,9 trln so‘m (11,6 foiz);
- Samarqand viloyati — 5,3 trln so‘m (10,4 foiz).
Eng past ko‘rsatkichli hududlar:
- Navoiy — 1,4 trln so‘m (2,9 foiz);
- Jizzax — 1,1 trln so‘m (2,3 foiz);
- Sirdaryo — 666,2 mlrd so‘m (1,3 foiz).
2022-yilda transport xizmatlar eksportida eng katta ulush quvur orqali tashish xizmatining hissasiga to‘g‘ri kelgan (682,6 mln dollar). Undan keying o‘rinlarni temiryo‘l transporti (508,9 mln dollar), havo transporti (466,1 mln dollar) va avtomobil transporti (45,2 mln dollar) egallagan.
Izoh (0)