Dekabr oyida eski uy-joylar narxi qanday o‘zgardi?

O‘zbekistonda dekabr oyida ikkilamchi (eski) uy-joy bozorida narxlar qanday o‘zgargani ma’lum qilindi. Bu haqda “Daryo”ga Iqtisodiy tadqiqotlar va islohotlar markazi xabar berdi.

Ikkilamchi ko‘chmas mulk bozori

Hisob-kitoblarga ko‘ra, dekabr oyida ikkilamchi uy-joy bozorida 1 kvadrat metr uchun o‘rtacha uy-joy narxining o‘sishi oyiga 0,6 foizni tashkil etgan bo‘lsa, yil boshidan buyon 16,5 foizga oshgan.

Umuman olganda, o‘tgan yili uy-joy narxlarining eng sezilarli o‘sishi Navoiy — 27,7 foiz, Toshkent — 25,1 foiz va Farg‘ona viloyatlarida 24 foiz kuzatildi.

Poytaxtda dekabr oyida ikkilamchi uy-joy ko‘chmas mulk bozorida narxlarning o‘sishi 1,1 foizni tashkil etdi. 

Eng yuqori o‘sish sur’atlari Shayxontohur — 4,1 foiz, Chilonzor — 3,9 foiz va Uchtepa tumanlarida — 2,7 foiz qayd etildi.

Yil boshidan buyon Toshkentda uy-joylarning o‘rtacha narxi 24 foizga oshdi.

Toshkent shahri va hududlar ma’muriy markazlarida ikkilamchi uy-joy narxlarining o‘zgarishi (1kvadrat metr uchun dollarda)