“Ростелеком” компанияси Алишер Усмоновга тегишли USM Group билан МегаФон уяли алоқа операторини сотиб олиш бўйича музокараларни бошлади. Битим давлат компаниясини Россия мобил алоқа сегментида сўзсиз етакчига айлантириши мумкин. Бу ҳақда “Коммерсант” хабар бермоқда.
-2.jpg)
USMга яқин манбанинг таъкидлашича, МегаФон яхши натижаларни кўрсатмоқда, шунинг учун уни сотиб олиш бўйича таклифлар бир неча йиллардан бери келиб тушмоқда:
Компанияга ҳар доим ариза берувчилар бўлиши мантиқан тўғри. Албатта, ҳар қандай таклиф ва сотиш имкониятлари кўриб чиқилади, лекин, ҳамма нарса муайян шартларга боғлиқ
МегаФон Россиядаги энг йирик телекоммуникация операторларидан бири бўлиб, 74 миллиондан ортиқ мобил алоқа абонентларига хизмат кўрсатади ва 100 фоиз USM Groupга тегишли.
“МегаФонни сотиш бўйича битим асосий технологик активларни давлат фойдасига қайта тақсимлашнинг давоми бўлиши мумкин”, — дейди FG Finam компаниясидан Леонид Делицин.
Мутахассислар МегаФонни 616 млрд рубл ёки 8,8 млрд долларга баҳоламоқда.
“Мегафон — бу доимий кучли молиявий кўрсаткичларга ва ўсиб бораётган абонент базасига эга актив. Унинг акциядорлари ҳеч қачон капитал харажатларни камайтирмаган, шунинг учун оператор технологиянинг тўйинганлиги ва алоқа сифати бўйича яхши ҳолатда”, — дейди Arikapital Management компаниясининг инвестиция ходими Сергей Суверов.
Айни дамда “Ростелеком” Теле2 уяли алоқа операторининг 100 фоизлик аскияларига эгалик қилади.
“МТСдан кейин бозордаги иккинчи йирик операторни (МегаФон таҳририят) сотиб олиш давлатни уяли алоқа сегментида сўзсиз етакчига айлантиради”, — дейди Делицин.
Изоҳ (0)