Yevropa Ittifoqi Eron Islom inqilobi qo‘riqchilari korpusini sanksiyalar ro‘yxatiga kiritdi. Tegishli bayonot Yevropa Ittifoqining rasmiy jurnalida chop etildi.
YI Eron rasmiylarining namoyishchilarga qarshi harakatlarini hamda fuqarolarning internet va messenjerlarga kirishini cheklash qarorini qoraladi. Tehronni 22 yoshli Mahsa Aminining o‘limi yuzasidan shaffof va ishonchli tergov o‘tkazishga chaqirib, “zo‘ravonliksiz namoyishlar“ ishtirokchilarini ozod qilishga chaqirdi.
“Shu nuqtai nazardan, Yevropa Ittifoqining Eron bilan bog‘liq barcha muammolarni, jumladan, inson huquqlari bilan bog‘liq vaziyatni ko‘rib chiqish majburiyatiga muvofiq, jismoniy va yuridik shaxslar ro‘yxatiga 18 jismoniy va 19 ta yuridik shaxs kiritilishi kerak.
Eslatib o‘tamiz, YIning Eron Islom inqilobi qo‘riqchilari korpusini (IIQК) terrorchi guruh deb belgilash qarori sababli Tehron Yevropa armiyasini terrorchi tashkilot deb e’lon qilishini bildirgan. Eron parlamenti allaqachon qonunga o‘zgartirish loyihasini tayyorlab qo‘ygan, u AQSH IIQKni terrorchi tashkilot deb e’lon qilgani munosabati bilan ko‘rilgan choralarga taalluqlidir va bu loyiha Yevropa Ittifoqi davlatlarining barcha qurolli kuchlariga tegishli bo‘ladi.
19-yanvar kuni Eron tashqi ishlar vaziri Husayn Abdullohiyan Yevropa Ittifoqining tashqi ishlar va xavfsizlik siyosati bo‘yicha oliy vakili Josep Borrel bilan telefon orqali muloqoti chog‘ida Yevropani IIQКni terrorchi deb tan olish qarori “o‘z oyog‘iga o‘q uzish” bo‘lishidan ogohlantirgan. Eron tashqi ishlar vaziri IIQK Eron xavfsizligini ta’minlovchi rasmiy tashkilotligini qayd etgan.
Izoh (0)