Rossiya armiyasi Ukrainadagi urushda ham askar, ham qurol-yarog‘da katta yo‘qotishga duch kelmoqda. Biroq bu navbatdagi zarbani berish uchun Rossiyaga taktikani o‘zgartirishga to‘sqinlik qilmaydi, deya xabar berdi Ukraina qurolli kuchlari bosh shtabi.
Yangi taktikaga ko‘ra, Rossiya harbiylari Baxmut, Zaporojye, Avdeyevskiy va Liman yo‘nalishlarida hujum qilishga urinib ko‘radi. Biroq Ukraina armiyasi zarur o‘q-dorilar yetkazib berish logistikasini buzish, o‘q-dori omborlariga zarba berish orqali Rossiya armiyasining oldinga siljishini oldini olmoqda.
Rus armiyasi Baxmutni egallashga e’tibor qaratmoqda va u yerda shiddatli janglar kechmoqda. Biroq bunga parallel ravishda Rossiya armiyasi boshqa yo‘nalishlarda oldinga siljishga urinishni to‘xtatmayapti.
Ukraina qurolli kuchlariga ko‘ra, Rossiya bazasi va texnikasiga aniq zarbalar berilmoqda. Qarshi tomonning Xerson yo‘nalishidagi asosiy markazi bo‘lgan Yangi Kaxovkada doimiy ravishda yarador ruslar tashilmoqda.
Norvegiya qurolli kuchlariga ko‘ra, Ukraindagi urushda 100 ming ukrainalik, 180 mingga yaqin rossiyalik askar halok bo‘lgan yoki yaralangan. Ukraina Qurolli kuchlari Bosh shtabi 23-yanvar kungi hisobotida Rossiya bosqinida 121 mingdan ortiq rus askari halok bo‘lganini ma’lum qildi. 2022-yil dekabrda Ukraina prezidenti ofisi urush boshlanganidan beri 10 mingdan 13 minggacha ukrainalik harbiy halok bo‘lganini xabar qilgandi.
Izoh (0)