Европа Иттифоқи Эрон Ислом инқилоби қўриқчилари корпусини санкциялар рўйхатига киритди. Тегишли баёнот Европа Иттифоқининг расмий журналида чоп этилди.
ЕИ Эрон расмийларининг намойишчиларга қарши ҳаракатларини ҳамда фуқароларнинг интернет ва мессенжерларга киришини чеклаш қарорини қоралади. Теҳронни 22 ёшли Маҳса Аминининг ўлими юзасидан шаффоф ва ишончли тергов ўтказишга чақириб, «зўравонликсиз намойишлар« иштирокчиларини озод қилишга чақирди.
«Шу нуқтаи назардан, Европа Иттифоқининг Эрон билан боғлиқ барча муаммоларни, жумладан, инсон ҳуқуқлари билан боғлиқ вазиятни кўриб чиқиш мажбуриятига мувофиқ, жисмоний ва юридик шахслар рўйхатига 18 жисмоний ва 19 та юридик шахс киритилиши керак.
Эслатиб ўтамиз, ЕИнинг Эрон Ислом инқилоби қўриқчилари корпусини (ИИҚК) террорчи гуруҳ деб белгилаш қарори сабабли Теҳрон Европа армиясини террорчи ташкилот деб эълон қилишини билдирган. Эрон парламенти аллақачон қонунга ўзгартириш лойиҳасини тайёрлаб қўйган, у АҚШ ИИҚКни террорчи ташкилот деб эълон қилгани муносабати билан кўрилган чораларга тааллуқлидир ва бу лойиҳа Европа Иттифоқи давлатларининг барча қуролли кучларига тегишли бўлади.
19 январь куни Эрон ташқи ишлар вазири Ҳусайн Абдуллоҳиян Европа Иттифоқининг ташқи ишлар ва хавфсизлик сиёсати бўйича олий вакили Жосеп Боррел билан телефон орқали мулоқоти чоғида Европани ИИҚКни террорчи деб тан олиш қарори «ўз оёғига ўқ узиш» бўлишидан огоҳлантирган. Эрон ташқи ишлар вазири ИИҚК Эрон хавфсизлигини таъминловчи расмий ташкилотлигини қайд этган.
Изоҳ (0)