O‘zbekistonda sovuq ob-havo hafta oxirigacha saqlanib qoladi

O‘zbekistonda sovuq havo massasining ta’siri ish haftasining oxirigacha saqlanib turadi.

Respublika Gidrometeorologiya markazining xabar qilishicha, 23-yanvar kuni O‘zbekiston hududiga sovuq antitsiklon periferiyasi ta’sir etib turadi. Respublikaning barcha hududlari bo‘yicha havo biroz, vaqti-vaqti bilan o‘zgarib turadi, yog‘ingarchilik kutilmaydi.

Kunduzi havo harorati 3 daraja sovuq—2 daraja iliq atrofida, ayrim joylarda 2 daraja sovuq bo‘ladi.

Ish haftasining oxirigacha sovuq havo massasining ta’siri saqlanib turadi. Respublika bo‘yicha yog‘ingarchilik kutilmaydi, faqat  25-yanvarda respublikaning tog‘ oldi va tog‘li hududlarida ba’zi joylarda biroz qor yog‘adi.

Kechalari havo harorati 8-13 daraja sovuq, ba’zi joylarda 15-17 daraja sovuq, kunduz kunlari 3 daraja sovuq—2 daraja iliq, ba’zi joylarda 5 daraja sovuq atrofida bo‘ladi.

Respublika bo‘yicha ba’zi joylarga tuman tushishi kuzatiladi. Yo‘llarida yaxmalak yuzaga kelishi saqlanib turadi.