Jizzax, Toshkent va Buxoro viloyatlarida gazdan noqonuniy foydalanish holatlari aniqlandi

Bosh prokuratura huzuridagi departament yana bir qator hududlarda gazdan noqonuniy foydalanish holatlariga chek qo‘ydi.

Departamentning Zarbdor tuman bo‘limi tomonidan “Hududgaz Jizzax” GTF tuman gaz ta’minoti xodimlari bilan hamkorlikda o‘tkazilgan tergovga qadar tekshiruvda, fuqaro B.D. “Z.p.” MCHJga qarashli parrandachilik binosini hech qanday shartnoma va boshqa ruxsat beruvchi hujjatlarsiz o‘zboshimchalik bilan yuqori bosimli gaz tarmog‘iga ulab, 376,9 ming kub metr tabiiy gazdan noqonuniy foydalangani oqibatida davlat va jamiyat manfaatlariga 248,8 million so‘m zarar yetkazgani aniqlangan.

Departamentning Toshkent tuman bo‘limi tomonidan IIB, “O‘zneftegazinspeksiya” va tuman gaz ta’minoti bo‘limi xodimlari bilan hamkorlikda o‘tkazilgan tezkor tadbirda, “X.” MFYda yashovchi M.A. raqamsiz uyda joylashgan issiqxonani o‘zboshimchalik bilan gaz tarmog‘iga ulab, 154,9 ming kub metr tabiiy gazdan noqonuniy foydalangani oqibatida davlat va jamiyat manfaatlariga 154,9 million so‘m zarar yetkazgani aniqlangan.

Departamentning Buxoro viloyat boshqarmasi tomonidan “Hududgaz Buxoro” GTF Romitan tuman gaz ta’minoti bo‘limi xodimlari bilan hamkorlikda o‘tkazilgan tergovga qadar tekshiruvda, “R.t.” MCHJ rahbari Z.A. korxonaga qarashli issiqxonaning gaz tarmog‘i nazorat tamg‘asini buzib, 141,6 ming kub metr tabiiy gazdan noqonuniy foydalangani oqibatida davlat va jamiyat manfaatlariga 141,6 mln so‘m zarar yetkazgani aniqlangan.

Mazkur holatlar yuzasidan Jinoyat kodeksining 169-moddasi (o‘g‘rilik) va 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qo‘zg‘atilib, tergov harakatlari o‘tkazilmoqda.

Mavzuga doir:

• Toshkent viloyatida 3 ta issiqxona qariyb 90 mln so‘m zarar yetkazdi
• Buxoro va Andijonda gaz ta’minotiga noqonuniy ulanib, umumiy 300 mln so‘m zarar yetkazgan fuqarolar ushlandi