Ўзбекистонда совуқ об-ҳаво ҳафта охиригача сақланиб қолади

Ўзбекистонда совуқ ҳаво массасининг таъсири иш ҳафтасининг охиригача сақланиб туради.

Республика Гидрометеорология марказининг хабар қилишича, 23 январь куни Ўзбекистон ҳудудига совуқ антитциклон периферияси таъсир этиб туради. Республиканинг барча ҳудудлари бўйича ҳаво бироз, вақти-вақти билан ўзгариб туради, ёғингарчилик кутилмайди.

Кундузи ҳаво ҳарорати 3 даража совуқ—2 даража илиқ атрофида, айрим жойларда 2 даража совуқ бўлади.

Иш ҳафтасининг охиригача совуқ ҳаво массасининг таъсири сақланиб туради. Республика бўйича ёғингарчилик кутилмайди, фақат  25 январда республиканинг тоғ олди ва тоғли ҳудудларида баъзи жойларда бироз қор ёғади.

Кечалари ҳаво ҳарорати 8-13 даража совуқ, баъзи жойларда 15-17 даража совуқ, кундуз кунлари 3 даража совуқ—2 даража илиқ, баъзи жойларда 5 даража совуқ атрофида бўлади.

Республика бўйича баъзи жойларга туман тушиши кузатилади. Йўлларида яхмалак юзага келиши сақланиб туради.