O‘zbekistondagi issiqlik ta’minotida muammosi bo‘lgan maktablarga darslarni onlayn olib borishga ruxsat etiladi. Bu haqda Maktabgacha va maktab ta’limi vazirligi xabar berdi.
Qayd etilishicha, bunday maktablarda holat yaxshilanguniga qadar o‘qish vaqtincha masofadan olib borilishi mumkin.
Qaysi maktablar vaqtincha masofadan ta’lim olishlari haqida hududlarning ijtimoiy tarmoq kanallari hamda maktab rahbarlari tomonidan bevosita ota-onalarga xabar beriladi.
Fuqarolar yuqorida keltirilgan masalalar yuzasidan murojaatlarni @xtv_nazorat_bot orqali yuborishi mumkin.
Eslatib o‘tamiz, O‘zbekistondagi barcha maktablarda 23-yanvardan III chorak boshlanadi.
Izoh (0)