Qozog‘iston Milliy ilmiy kardiojarrohlik markazining jarrohlik direktori Yuriy Pya birinchi prezident Nursulton Nazarboyevda o‘tkazilgan jarrohlik operatsiyasi va siyosatchining salomatligi haqida ma’lumot berdi. Bu haqda “Zakon.kz” xabar berdi.
Ma’lum qilinishicha, elboshida o‘tkazilgan operatsiya aslida 2022-yilda o‘tkazilishi rejalashtirilgan, kardioxirurg nima uchun jarrohlik amaliyoti kechiktirilganini izohladi.
“U band bo‘lgani uchun operatsiyani o‘ziga qulay bo‘lgan vaqtda o‘tkazishga qaror qildik. Jarrohlik amaliyotini bugun, 20-yanvarda o‘tkazishga kelishdik. Tibbiy savollar bor, bu bemorning o‘zigagina tegishli. Har kim ma’lumotni oshkor qilmaslik huquqiga ega. Lekin bu favqulodda shaxs ekan, ba’zi savollarga javob berishimiz mumkin. Bugungi operatsiya oldindan rejalashtirilgandi”, — dedi Yuriy Pya.
Kardioxirurg jarrohlik amaliyoti muvaffaqiyatli o‘tganini ham qayd etdi.
“Faxrlanishga arzirli narsa bor. Mamlakatimiz tibbiyotiga nafaqat fuqarolar, balki mamlakat rahbariyati orasida ham ishonch bor. Men har bir bemorga eng yaqin odam sifatida qarayman. Har bir operatsiyadan oldin doimo xavotirda bo‘laman”, — dedi u.
Shifokorga ko‘ra, Qozog‘iston birinchi prezidentining ahvoli hozirda qoniqarli.
“Yaqin kunlarda Nursulton Nazarboyevga javob beriladi. Operatsiya 2,5 soatga yaqin davom etdi. Bu operatsiya emas, balki protsedura. Diagnostika va davolash muolajasi amalga oshirildi”, — ta’kidladi kardioxirurg.
Yuriy Pya Nazarboyev bilan bo‘lib o‘tgan suhbat tafsilotlari bilan ham o‘rtoqlashdi.
“Bir marta u bilan gaplashganimizda, men kosmosga uchishni xohlashimni aytdim, lekin u bilan birga uchishni xohlayman, chunki uning yuragi shunchalik kattaki, Nazarboyev koinotga ucholadi”, — deydi u va prezident hozir hushida ekanligini aytdi.
“U bilan koinotga uchish rejalashtirilgan vaqt va sana masalasini muhokama qildik”, — dedi Yuriy Pya.
Nazarboyevning sog‘lig‘idagi muammolar
2021-yil oxirrog‘ida Nursulton Nazarboyev umurtqasini operatsiya qildirgani davlat rahbari lavozimidan ketishining sabablaridan biri ekanini tan olgandi. Nazarboyev sog‘lig‘i bilan bog‘liq muammolar katta ommaviy tadbir vaqtida 2011-yilda kuzatila boshlagan. Qozog‘iston birinchi prezidenti 1940-yil 6-iyul kuni tug‘ilgan bo‘lib, ayni paytda 82 yoshda.
Izoh (0)