Futbol bo‘yicha Ispaniya Kubogi 1/8 final bahsida “Barselona” 19-yanvar, payshanba “Seuta”ga qarshi bahs olib bordi.
Birinchi bo‘lim yakunlanishiga bir necha daqiqa qolganda Rafinya kataloniyaliklarni hisobda oldinga olib chiqdi. Ikkinchi bo‘lim ham “ko‘k-anorranglilar”ning ustunligida o‘tdi. Dastlab, 50-daqiqada Robert Levandovski gol urgan bo‘lsa, 70-daqiqada Ansu Fati uchrashuvdagi 3-golni o‘z hisobiga yozdirib qo‘ydi. 77-daqiqada Frank Kessie ham o‘z nomini tabloga yozdirdi. O‘yin yakunida Levandovski dublni rasmiylashtirdi.
Shu tariqa “Barselona” 5:0 hisobida zafar quchib, chorak finalga yo‘l oldi.
Ispaniya Kubogi
1/8 final bahsi
19-yanvar, payshanba
“Seuta” – “Barselona” 0:5
Gollar: 0:1 – 41 Rafinya, 0:2 – 50 Levandovski, 0:3 – 70 Fati, 0:4 – 77 Kessie, 0:5 – 90 Levandovski.“Seuta”: Mexias, Alain, Lafarge (Danese, 68), Gutierrez, Kuevas (Garsia Oropesa, 57), Antonito, Reina, Lopez Plaza (Julio, 57), Ahmed Ahmed (Redondo, 57), David Alfonso, Rodri Rios (Kasais, 78).
“Barselona”: Penya, Belyerin, Alonso (Kristensen, 73), Erik Garsiya, Alba, Serxi Roberto (Buskets, 73), Kessie, Torre (Gavi, 46), Levandovski, Rafinya (Alarkon Galiot, 80), Ferran Torres (Fati, 60).
Ogohlantirish: Antonito (39).
Izoh (0)