Angliyaning Deloitte auditorlik kompaniyasi hisobotlariga ko‘ra, dunyoning eng boy 20 ta klubidan 11 tasi APL vakillaridir.
Birinchi o‘rinni 2021/22-yilgi mavsumda 731 million yevro daromad ko‘rgan “Manchester Siti” egallagan. Ikkinchi o‘rindan “Real” (713,8 million yevro), uchinchi o‘rindan “Liverpul” (701,7 million yevro) joy olgan.
Tarixda birinchi bor top-20 talik ro‘yxatning yarmidan ko‘pi APL vakillaridan tashkil topgan. “Liverpul” 27 yillik hisobot tarixida ilk bor “Manchester Yunayted”ni ortda qoldirib, 3-o‘ringa ko‘tarilib oldi.
“Barselona” va “Real” pandemiyadan oldingi daromad ko‘rsatkichlarini qaytara olmayapti. Taqqoslash uchun “Barselona”ning hozirgi daromadi 2018/19-yilgi mavsumga qaraganda 203 million, “Real”ning daromadi esa 43 million yevroga pasaygan.
Top-20 talik quyidagicha ko‘rinish olgan:
1. “Manchester Siti” (731 mln yevro);
2. “Real” (713,8 mln yevro);
3. “Liverpul” (701,7 mln yevro);
4. “Manchester Yunayted” (688,6 mln yevro);
5. “PSJ” (654,2 mln yevro);
6. “Bavariya” (653,6 mln yevro);
7. “Barselona” (638,2 mln yevro);
8. “Chelsi” (568,3 mln yevro);
9. “Tottenhem” (523 mln yevro);
10. “Arsenal” (433,5 mln yevro);
11. “Yuventus” (400,6 mln yevro);
12. “Atletiko” (393,9 mln yevro);
13. “Borussiya D” (356,9 mln yevro);
14. “Inter” (308,4 mln yevro);
15. “Vest Hem” (301,2 mln yevro);
16. “Milan” (264,9 mln yevro);
17. “Lester” (252,2 mln yevro);
18. “Lids” (223,4 mln yevro);
19. “Everton” (213,7 mln yevro);
20. “Nyukasl” (212,3 mln yevro).
Izoh (0)