Futbol bo‘yicha o‘rtoqlik o‘yinida “PSJ” 19-yanvar, payshanba kuni “Al-Hilol” va “An-Nassr” yulduzlaridan iborat jamoaga qarshi bahs olib bordi.
Uchrashuvning 3-daqiqasidayoq Lionel Messi parijliklarni hisobda oldinga olib chiqdi. 34-daqiqada Krishtianu Ronaldu penaltidan foydalanib, muvozanatni tikladi. 39-daqiqada Parij jamoasi Xuan Bernatning chetlatilishidan keyin bir o‘yinchi kam bo‘lib qoldi.
43-daqiqada Markinyos Kilian Mbappening uzatmasini golga aylantirdi. Birinchi bo‘lim yakunida Ronaldu yana bir bor gol urib, hisobni tenglashtirdi. Jamoalar tanaffusga durang natija bilan chiqib ketdi.
Ikkinchi bo‘lim ham gollar shousiga aylanib ketdi. Dastlab 53-daqiqada Serxio Ramos o‘z hisobiga gol yozdirib qo‘ygan bo‘lsa, oradan 3 daqiqa o‘tib Chan Hyon Su hisobni 3:3 ko‘rinishiga olib keldi.
60-daqiqada Kilian Mbappe penaltini aniq amalga oshirdi. 78-daqiqada Ugo Ekitike Parij klubining 5-goliga mualliflik qildi. O‘yin yakunlashiga sanoqli soniyalar qolganda Taliska hisobni qisqartirdi.
Shu tariqa “PSJ” 5:4 hisobida zafar quchdi.
O‘rtoqlik o‘yini
19-yanvar, payshanba
“An-Nassr” / “Al-Hilol” — “PSJ” 4:5
Gollar: 0:1 – Messi (3), 1:1 – Ronaldu (34, penalti), 1:2 – Markinyos (43), 2:2 – Ronaldu (45+6), 2:3 – Ramos (53), 3:3 – Chjan Hyn Su (56), 3:4 – Mbappe (60, penalti), 3:5 – Ekitike (78), 4:5 — Taliska (90+4).“PSJ”: Navas (Donnarumma, 62), Hakimi (Pembele, 62), Markinyos (Danilu, 46), Ramos (Bitshiabu, 62), Bernat, Ruis (Mendesh, 62), Soler (Garbi, 62), Sanshesh (Vitinya, 46), Neymar (Zair-Emeri, 62), Messi (Kari, 62), Mbappe (Ekitike, 62).
“An-Nassr”/“Al-Hilol”: Al-Ovays, Chan Hyon Su, Al-Bulayxi, Al-G‘anam (Al-Avjami, 46), Abdulhamid, Gustavo, Al-Haybari (Kanno, 61), Martines (Karrilyo, 61), Marega (Taliska, 46), Ronaldu (Mateus Pereyra, 61).
Chetlatish: Bernat (39).
Izoh (0)