Kiyev viloyatining Brovari shahrida vertolyot qulagani haqida xabar berilgandi. Ukraina Milliy politsiyasi rahbari Igor Klimenkoning ma’lum qilishicha, hodisa oqibatida Ukraina ichki ishlar vaziri Denis Monastirskiy halok bo‘ldi.
Shuningdek, ichki ishlar vazirining birinchi o‘rinbosari va davlat kotibi ham halok bo‘lgan, ular Monastirskiy bilan birga favqulodda davlat xizmati vertolyotining bortida edi.
“Hozirgacha jami 16 kishi halok bo‘lgan, ulardan ikki nafari bolalar. Qurbonlarning to‘qqiz nafari vertolyot bortida bo‘lgan. 22 kishi jarohatlar bilan shifoxonada, ulardan 10 nafari bolalar”, — dedi Klimenko.
Brovarida vertolyot 18-yanvar kuni ertalab turar joy binosi va bolalar bog‘chasi o‘rtasida qulab tushdi. Voqea joyida yong‘in chiqqan. Rasmiylarning xabar berishicha, bolalar va xodimlar bog‘chadan evakuatsiya qilingan.
Izoh (0)