Andijon viloyati Asaka tumanidagi ko‘p qavatli uyda 18-yanvar kuni yong‘in sodir bo‘ldi. Bu haqda viloyat FVB axborot xizmati xabar berdi.
Ma’lum bo‘lishicha, shu kuni soat 15:25 da “Amir Temur” mahallasidagi 12-ko‘p qavatli uyda yong‘in sodir bo‘lgan. Oqibatda xonadonning 25 kvadrat/metr shift qismi va jihozlar yongan.
Qutqaruv guruhi 15:30 da voqea joyiga yetib borib, 15:40 da yong‘inni bartaraf etgan. Ko‘p qavatli uyning 300 kvadrat/metr maydoni saqlab qolingan.
Yong‘in elektr simining qisqa tutashuvi oqibatida sodir bo‘lgani aniqlangan, shuningdek, keltirilgan zarar miqdori aniqlanmoqda.
Yong‘indan fuqarolarning kuyish va tan jarohati olish holatlari qayd etilmagan.
Mavzuga doir: Andijondagi qayta ishlab chiqarish sexida yong‘in yuz berdi
Izoh (0)