Андижон вилояти Асака туманидаги кўп қаватли уйда 18 январь куни ёнғин содир бўлди. Бу ҳақда вилоят ФВБ ахборот хизмати хабар берди.
Маълум бўлишича, шу куни соат 15:25 да «Амир Темур» маҳалласидаги 12-кўп қаватли уйда ёнғин содир бўлган. Оқибатда хонадоннинг 25 квадрат/метр шифт қисми ва жиҳозлар ёнган.
Қутқарув гуруҳи 15:30 да воқеа жойига етиб бориб, 15:40 да ёнғинни бартараф этган. Кўп қаватли уйнинг 300 квадрат/метр майдони сақлаб қолинган.
Ёнғин электр симининг қисқа туташуви оқибатида содир бўлгани аниқланган, шунингдек, келтирилган зарар миқдори аниқланмоқда.
Ёнғиндан фуқароларнинг куйиш ва тан жароҳати олиш ҳолатлари қайд этилмаган.
Мавзуга доир: Андижондаги қайта ишлаб чиқариш цехида ёнғин юз берди
Изоҳ (0)