Toshkent shahridagi “Bo‘ta buva” jome masjidi imom-xatibi Ziyovuddin Mirsodiqov “Vaqf” xayriya jamoat fondi raisi vazifasini bajaruvchisi etib tayinlandi. Bu haqda O‘zbekiston musulmonlari idorasi matbuot xizmati xabar berdi.
Tayinlov haqda 18-yanvar kuni “Vaqf” xayriya jamoat fondi vasiylik kengashi yig‘ilishida e’lon qilingan. Ziyovuddin Mirsodiqov 2020-yilning noyabridan buyon fondga rahbarlik qilib kelgan Yahyo Abdurahmonov o‘rnini egalladi.
Ma’lumot uchun, Ziyovuddin Mirsodiqov ko‘p yillardan buyon diniy sohada faoliyat olib borgan. U Toshkent viloyatidagi “Tursunmat qori”, “Eski Toshkent”, Andijon viloyatidagi “Jiddai Muborak”, Toshkent shahridagi “Yunusobod-Oq tepa” kabi jome masjidlarda imom-xatib vazifalarida ishlagan.
Shuningdek, “Sayyid Muhyiddin Maxdum” va “Ko‘kaldosh” madrasalari mudiri vazifalarida mehnat qilgan.
Izoh (0)