Toshkent shahar, Yakkasaroy tumanidagi mehmonxona kimoshdi savdosiga qo‘yildi. Lot ma’lumotlari E-auksion portalida e’lon qilingan.
Lot auksionga “Ipak yo‘li“ bank tomonidan qo‘yilgan. 4 qavatli mehmonxonada 70 dan ziyod xona mavjud.
Yer uchastkasining umumiy maydoni — 0,18 gektar. Binoning maydoni — 4 168 kvadrat metr. Mehmonxonada suv, elektr, gaz ta’minoti va kanalizatsiya tizimi mavjud.
Auksionga qo‘yilgan mehmonxonaning boshlang‘ich bahosi — 26 mlrd so‘m. Arizalar 6-fevral 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq O‘zbekistonda kichik GESlar qurish uchun ilk 14 ta loyiha onlayn auksionga chiqarilgani haqida xabar berilgandi.
Izoh (0)