2022-yilda Dubayda uy-joy sotib olish bo‘yicha 86 mingdan ortiq bitimlar ro‘yxatga olindi. Mazkur ko‘rsatkich butun kuzatuvlar tarixidagi mutlaq rekorddir. Bu haqda Betterhomes brokerlik kompaniyasi ma’lumotlariga tayanib Bloomberg xabar bermoqda.
Dubayda yil davomida sotilgan ko‘chmas mulkning umumiy miqdori 56,6 milliard dollarni tashkil etdi (2021-yilga nisbatan 80 foizga ko‘p). BAA fuqarolari bo‘lmagan shaxslar orasida uylarni asosan rossiyaliklar sotib olgan.
Betterhomes tahlilchilari Rossiya fuqarolarining BAAdagi ko‘chmas mulkka bo‘lgan qiziqishi oshishini sanksiyalar va siyosiy noaniqlik bilan bog‘lamoqda.
Kompaniya rossiyaliklarning Dubay ko‘chmas mulk bozoridagi faoliyati haqida to‘liq ma’lumot bermagan.
2022-yil uchun amirlikda ko‘chmas mulk narxlari o‘rtacha 11 foizga oshdi, bozorga Buyuk Britaniya, Hindiston, Italiya va Fransiya fuqarolari ham qiziqish bildirishgan.
Dubayda tuzilgan ko‘chmas mulk bitimlari soni bo‘yicha oldingi rekord 2009-yilda qayd etilgan bo‘lib, o‘shanda 80 000 ta oldi-sotdi bitimlari ro‘yxatga olingandi.
Avvalroq ekspatlar uchun yashash va ishlash sharoiti eng qulay shaharlar reytingi e’lon qilingandi. Ular orasida Dubay ham bor.
Izoh (0)