Turkmanistonda mamlakatda birinchi yerosti gaz ombori paydo bo‘ladi. Uni qurish niyati haqida hukumat majlisida bosh vazir o‘rinbosari Shohim Abdurahmonov ma’lum qildi, u yonilg‘i-energetika majmuasiga rahbarlik qiladi. Uning so‘zlariga ko‘ra, gaz ombori “tovar gazi zaxiralarini ta’minlash uchun” quriladi.
Gaz omborining texnik-iqtisodiy asosini tayyorlash, loyihalashtirish, qurish va jihozlash uchun xalqaro konsalting kompaniyalari jalb etiladi, dedi Abdurahmonov. Turkmaniston prezidenti Serdar Berdimuhamedov bunga javoban “gaz resurslaridan oqilona va samarali foydalanish” va “ishonchli chet ellik sheriklar bilan” hamkorlikni kuchaytirish muhimligini ta’kidladi.
Tabiiy gaz zaxiralari bo‘yicha Turkmaniston Rossiya, Eron va Qatar bilan birgalikda dunyoning birinchi to‘rtligiga kiradi.
2019-yil aprelida “Gazprom” Turkmaniston bilan shartnomali aloqalar qayta tiklanganini ma’lum qildi, munosabatlar 2016-yilda bir tomonlama tartibda bekor qilingan edi. O‘sha yiliyoq Rossiya kompaniyasi Turkmangaz” davlat kompaniyasida tabiiy gaz sotib olish bo‘yicha shartnoma tuzdi. Uning doirasida “Gazprom” yiliga 5,5 milliard kub metr gaz oladi.
2022-yil dekabrida O‘zbekiston prezidenti administratsiyasi rahbari Sardor Umurzoqov Ashxobodga tashrif buyurib, Turkmaniston prezidenti Serdar Berdimuhamedov bilan uchrashgani, safar chog‘ida O‘zbekistonga qo‘shimcha ravishda kuniga 20 million kub metr gaz (3 oyda jami 1,5 mlrd kub metr) berish bo‘yicha kelishuvga erishgani va shartnoma imzolangani xabar berilgandi.
Izoh (0)