Туркманистонда мамлакатда биринчи ерости газ омбори пайдо бўлади. Уни қуриш нияти ҳақида ҳукумат мажлисида бош вазир ўринбосари Шоҳим Абдураҳмонов маълум қилди, у ёнилғи-энергетика мажмуасига раҳбарлик қилади. Унинг сўзларига кўра, газ омбори «товар гази захираларини таъминлаш учун» қурилади.
Газ омборининг техник-иқтисодий асосини тайёрлаш, лойиҳалаштириш, қуриш ва жиҳозлаш учун халқаро консалтинг компаниялари жалб этилади, деди Абдураҳмонов. Туркманистон президенти Сердар Бердимуҳамедов бунга жавобан «газ ресурсларидан оқилона ва самарали фойдаланиш» ва «ишончли чет эллик шериклар билан» ҳамкорликни кучайтириш муҳимлигини таъкидлади.
Табиий газ захиралари бўйича Туркманистон Россия, Эрон ва Қатар билан биргаликда дунёнинг биринчи тўртлигига киради.
2019 йил апрелида «Газпром» Туркманистон билан шартномали алоқалар қайта тикланганини маълум қилди, муносабатлар 2016 йилда бир томонлама тартибда бекор қилинган эди. Ўша йилиёқ Россия компанияси Туркмангаз» давлат компаниясида табиий газ сотиб олиш бўйича шартнома тузди. Унинг доирасида «Газпром» йилига 5,5 миллиард куб метр газ олади.
2022 йил декабрида Ўзбекистон президенти администрацияси раҳбари Сардор Умурзоқов Ашхободга ташриф буюриб, Туркманистон президенти Сердар Бердимуҳамедов билан учрашгани, сафар чоғида Ўзбекистонга қўшимча равишда кунига 20 миллион куб метр газ (3 ойда жами 1,5 млрд куб метр) бериш бўйича келишувга эришгани ва шартнома имзолангани хабар берилганди.
Изоҳ (0)