AQSH prezidenti Jo Baydenni “harbiy jinoyatlari”, shu jumladan, Ukrainadagi xatti-harakatlari uchun o‘z lavozimidan chetlashtirish kerak, deb ma’lum qildi amerikalik demokrat siyosatchi, Kentukki shtati gubernatori lavozimiga nomzod Jeffri Yang o‘z Twitter’ida.

“Ukraina, Yaman, Suriya, Iroq va boshqa joylardagi harbiy jinoyatlari uchun Jo Baydenga nisbatan zudlik bilan impichment e’lon qilish kerak, deb hisoblayman. Shuningdek, Rossiyaga qarshi proksi-urushni davom ettirayotgani uchun ham”, — deb yozdi siyosatchi. U AQSHning 1945-yildan keyingi barcha prezidentlari “harbiy jinoyatchilar” bo‘lgan, degan fikrni bildirdi.

Yangning bayonotlari Baydenning uyida va unga aloqador tahlil markazida maxfiy hujjatlar topilishi bilan bog‘liq tekshiruv fonida yangradi. CNN ma’lumotlariga ko‘ra, hujjatlar uning Barak Obama ma’muriyatida vitse-prezident bo‘lib ishlagan davriga tegishli bo‘lgan.

2022-yil martida Bayden Rossiya prezidenti Vladimir Putinni “harbiy jinoyatchi” deb atagan edi. Kreml uning bayonotlarini “mutlaqo nomaqbul” deb topib, AQSH tarixini, xusussan, 1945-yilda Yaponiyaning Xirosima va Nagasaki shaharlariga atom bombalari tashlanganini eslatgandi.