Namanganda chiqindi tashish bilan shug‘ullanadigan korxonalar viloyatda metan gaz zapravkalari yopilgani sababli faoliyatini vaqtincha to‘xtatdi. Bu haqda “Daryo” muxbiri Azizbek Abduvaliyev xabar bermoqda.
“Namangan viloyat ‘Toza hudud’ davlat unitar korxonasi va ‘Musaffo iqlim’ MCHJ tomonidan xizmat ko‘rsatish vaqtinchalik to‘xtatildi. Iltimos, chiqindilarni ko‘cha yoki yo‘l qismiga olib chiqmasligingizni so‘raymiz”, — deyiladi ushbu korxonalar tomonidan yo‘llangan murojaatda.
Ma’lumot uchun, Namangandagi metan gaz zapravkalari mamlakatga anomal sovuq havo kirib kelgan 10-yanvar sanasidan beri yopilgan. Shoxobchalar 16-yanvardan o‘z faoliyatini tiklashi mumkinligi aytilmoqda.
Izoh (0)