Navoiy viloyati Navbahor tumanida yer talon-toroj qilinishi bilan bog‘liq jinoyat fosh etildi. Bu haqda Bosh prokuratura xabar qildi.
Qayd etilishicha, Navoiy viloyati prokuraturasi tomonidan olib borilgan tekshirish davomida “F.G.F” xususiy korxonasi rahbari A.J. tomonidan Navbahor tumani “Navkar” mahallasi hududidan tuman hokimining qaroriga asosan xususiy korxonaga baliqxona barpo etish uchun 10 yil muddatga ijara huquqi bilan ajratilgan jami 9,2 gektar yer maydoni hujjatlari qalbakilashtirgani aniqlangan.
U 4,8 gektari yaylov yeri, 4,4 gektari baliqlarga ozuqa yetishtirish uchun ekin yer maydonining umumiy 8,8 gektar qismiga yengil konstruksiyali omborxona, qorovulxona va ofis qurish uchun hujjatlarni qalbakilashtirib, kadastr hujjatlarini rasmiylashtirishga erishgan hamda sun’iy baliq ko‘li barpo etgan.
Holat yuzasidan A.J.ga nisbatan Jinoyat kodeksining 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) 1-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)