O‘zbekistondan xalqaro yo‘nalishlarga amalga oshiriladigan avtobus qatnovlari vaqtincha to‘xtatildi. Bu haqda Transport vazirligi axborot xizmati xabar berdi.
Qayd etilishicha, shu kunlarda Qozog‘iston va Rossiyada kuzatilayotgan kuchli sovuq tufayli yo‘llarda muzlamalar hosil bo‘lib, transport vositalarida texnik nosozliklar kelib chiqishi oqibatida yo‘lovchilar qiyin vaziyatga tushib qolmoqda.
Shu sababli noqulay ob-havo sharoitini inobatga olinib, yo‘lovchi tashishda xavfsizlikni ta’minlash maqsadida O‘zbekistondan xalqaro yo‘nalishlarda amalga oshiriluvchi muntazam avtobus qatnovlari 13-yanvardan vaqtinchalik to‘xtatildi.
Mavzuga doir: Toshkent—Buxoro—Toshkent yo‘nalishidagi uchta poyezd reysi bekor qilindi
Izoh (0)