Ichki ishlar vazirligi Kiberxavfsizlik markazi O‘zbekiston prezidentining soxta veb-saytini yaratib, fuqarolardan pul undirayotgan firibgarlardan ogohlantirdi.
Qayd etilishicha, Telegram messenjeri orqali turli kanal va guruhlarda takroran, lekin boshqa zararli havola orqali prezidentning rasmiy veb-sayti ko‘rinishidan foydalanib, yolg‘on axborot tarqatilmoqda.
Xabarda har bir oilali fuqaroga 650 ming so‘m miqdorda moddiy yordam berilishi haqida feyk ma’lumot aytiladi.
“E’tiborli bo‘ling, firibgarlar siz orqali Telegram messenjerida havolani boshqalarga tarqatishga urinmoqdalar. Feyk xabarlarga aldanmang”, — deyiladi xabarda.
Izoh (0)