Toshkentda so‘nggi 50 yillikdagi eng sovuq harorat qayd etildi

“O‘zgidromet” axborot xizmati rahbari bergan ma’lumotlarga ko‘ra, Toshkent shahrida 13-yanvar, juma kuni oxirgi 50 yillikdagi eng sovuq harorat qayd etildi.

Ma’lum qilinishicha, shu kuni 19,8 daraja sovuq harorat ro‘yxatga olindi. Mazkur ko‘rsatkich poytaxt uchun oxirgi yarim asrlik uchun eng minimum haroratdir.

So‘nggi 50 yil ichida eng uzun va sovuq qish mavsumi 2007—2008-yillarda qayd etilgan bo‘lib, sovuq davr dekabr oxiridan fevral oyining o‘rtalariga qadar davom yetgan. O‘shanda Toshkentda harorat minimumi 17,4 darajagacha tushgan. Poytaxtda undan avvalgi eng past harorat 1974-yilning yanvarida qayd etilgan — harorat 18,6 darajagacha sovigan.

Toshkent shahrida 1969-yil qishda harorat 23,1 darajagacha tushgan bo‘lsa, minimal havo haroratining mutlaq rekordi 1930-yil dekabr oyida 29,5 daraja sovuqni tashkil etgan.

Mavzuga doir:

• “O‘zbekistonda anomal ob-havo vaqtida ko‘riladigan choralar bo‘yicha normativ-me’yoriy hujjatlar yo‘q” — iqlimshunos Erkin Abdulahatov
• Kelasi yili hozirgidan ham kuchli anomal sovuq bo‘lishi mumkinmi? Iqlimshunos javob berdi