Samsung Biologics Janubiy Koreyada yangi biotexnologik ishlab chiqarish korxonasini qurish uchun 6 milliard dollar sarmoya kiritmoqda. Bu haqda payshanba kuni Yonhap agentligi firma rahbari Jon Rimga tayanib xabar berdi.
Bio Campus II deb nomlangan yangi obyekt kompaniya joylashgan Seul g‘arbidagi Incheon shahridagi Songdo xalqaro biznes markazida tashkil etiladi. Yangi majmuani foydalanishga topshirish muddatlari keltirilmagan.
Rimning ta’kidlashicha, Bio Campus II’ni yaratish kompaniyaning biotexnologiya sohasida global yetakchiga aylanish maqsadida ishlab chiqarishni kengaytirish strategiyasining bir qismidir.
Kompaniya mahsulot turlarini kengaytirishni, xususan, gen terapiyasidan foydalangan holda dori vositalarini yaratishni rejalashtirmoqda.
Chosun Ilbao nashriga ko‘ra, yangi majmuaning maydoni 357 ming kvadrat metrni tashkil qiladi. Kompaniyaning ishlab chiqarish hajmi esa ikki baravardan oshadi.
Samsung Biologics ishlab chiqarishning kengayishi bozorning to‘lib ketishiga olib kelishidan qo‘rqadimi, degan savolga javob berar ekan, Rim kompaniyada umumiy qiymati 85 milliard dollarni tashkil etgan bajarilmagan buyurtmalar bo‘yicha katta zaxira borligini ta’kidladi.
Avvalroq Samsung kompaniyasi Qatarda neft-kimyo zavodi qurishi ma’lum bo‘lgan edi.
Izoh (0)