Twitter ijtimoiy tarmoqda ro‘yxatdan o‘tgan ma’lum bir foydalanuvchilarga o‘z username’ini sotishni yo‘lga qo‘yish imkoniyatlarini o‘rganmoqda. Bu haqda “TASS” xabar bermoqda.
Xabar berilishicha, bu harakatga kompaniya uchun yangi daromad manbai sifatida qaralmoqda.
Manbaga ko‘ra, 2022-yil dekabr oyidan boshlab Twitter xodimlari onlayn auksionlar o‘tkazishni muhokama qilmoqda.
Unda foydalanuvchilar har qanday so‘z, raqamlar yoki belgilar to‘plami bo‘lgan ma’lum username’larga da’vo qilishi mumkin bo‘ladi.
Hozircha tashabbusning natijasi aniqlanmagan. Bundan tashqari, reja barcha mumkin bo‘lgan username’larni yoki ulardan faqat ba’zilarini sotishni nazarda tutadimi, hozircha ma’lum emas.
Kompaniyaning o‘zi va Twitter’ga egalik qiluvchi Ilon Mask bu ma’lumotga izoh bermadi.
Ilon Mask Twitter’ni sotib olish bo‘yicha kelishuvni 27-oktabr kuni yakunlab, kompaniya uchun 44 milliard dollar to‘lagan.
Shundan so‘ng tadbirkor ijtimoiy tarmoq xodimlarining yarmiga yaqinini ishdan bo‘shatdi, qolganlarni esa yuqori intensivlik bilan ishlash kerakligi haqida ogohlantirdi.
OAV xabarlariga ko‘ra, ushbu voqealar fonida platforma faoliyatini saqlab qolish uchun muhim bo‘lgan ko‘plab xodimlar Twitter’ni tark etgan.
Avvalroq Ilon Mask dunyoning eng boy odamlari reytingida yetakchilikni boy bergani haqida xabar berilgandi.
Izoh (0)