Samsung Biologics Жанубий Кореяда янги биотехнологик ишлаб чиқариш корхонасини қуриш учун 6 миллиард доллар сармоя киритмоқда. Бу ҳақда пайшанба куни Yonhap агентлиги фирма раҳбари Жон Римга таяниб хабар берди.
Био Campus II деб номланган янги объект компания жойлашган Сеул ғарбидаги Incҳеон шаҳридаги Сонгдо халқаро бизнес марказида ташкил этилади. Янги мажмуани фойдаланишга топшириш муддатлари келтирилмаган.
Римнинг таъкидлашича, Био Campus II’ни яратиш компаниянинг биотехнология соҳасида глобал етакчига айланиш мақсадида ишлаб чиқаришни кенгайтириш стратегиясининг бир қисмидир.
Компания маҳсулот турларини кенгайтиришни, хусусан, ген терапиясидан фойдаланган ҳолда дори воситаларини яратишни режалаштирмоқда.
Chosun Ilbao нашрига кўра, янги мажмуанинг майдони 357 минг квадрат метрни ташкил қилади. Компаниянинг ишлаб чиқариш ҳажми эса икки баравардан ошади.
Samsung Biologics ишлаб чиқаришнинг кенгайиши бозорнинг тўлиб кетишига олиб келишидан қўрқадими, деган саволга жавоб берар экан, Рим компанияда умумий қиймати 85 миллиард долларни ташкил этган бажарилмаган буюртмалар бўйича катта захира борлигини таъкидлади.
Аввалроқ Samsung компанияси Қатарда нефть-кимё заводи қуриши маълум бўлган эди.
Изоҳ (0)