O‘zbekistonda hukm surayotgan anomal sovuq paytida ko‘pchilik tashkilotlar ishchilariga onlayn ishlash imkoniyatini yaratmoqda. Ta’lim tizimida faoliyat yurituvchi o‘qituvchilar ham yozgi ta’tilini shu sovuq kunlarga ko‘chirsa bo‘ladimi? Kambag‘allikni qisqartirish va bandlik vazirligi mas’uli bunga izoh berdi.
Mehnat kodeksning 231-moddasiga ko‘ra o‘n to‘rt yoshga to‘lmagan bitta va undan ortiq bolani (o‘n olti yoshga to‘lmagan nogironligi bo‘lgan bolani) tarbiyalayotgan yolg‘iz ota, yolg‘iz onaga (beva erkaklar, beva ayollar, nikohdan ajrashganlar, yolg‘iz onalarga) va muddatli harbiy xizmatni o‘tayotgan harbiy xizmatchilarning xotinlariga yillik ta’tillar, ularning xohishiga ko‘ra yoz vaqtida yoki ular uchun qulay bo‘lgan boshqa vaqtda beriladi. Shuningdek, Mehnat kodeksining 145-moddasiga asosan xodimlar quyidagi hollarda ta’tilni uzaytirish yoki boshqa muddatga ko‘chirish huquqiga ega.Vazirlik mas’ulining qo‘shimcha qilishicha, amaldagi Mehnat kodeksining 228-1-moddasiga muvofiq, budjet hisobidan moliyaviy jihatdan ta’minlanadigan muassasalar va tashkilotlarda ishlayotgan uch yoshga to‘lmagan bolalari bor ayollarga ish vaqtining haftasiga o‘ttiz besh soatdan oshmaydigan qisqartirilgan muddati belgilanishi lozim. Ish vaqtining qisqartirilgan muddati chog‘ida ayollar mehnatiga haq to‘lash kamaytirilmaydi.Avvalo vaqtincha mehnatga qobiliyatsizlik davrida; homiladorlik va tug‘ish ta’tili muddati boshlanganda; yillik ta’til o‘quv ta’tiliga to‘g‘ri kelib qolganda; davlat yoki jamoat vazifalarini bajarayotganda, basharti qonun hujjatlari va boshqa normativ hujjatlarda bunday vazifalarni bajarish uchun xodimni ishdan ozod etish nazarda tutilgan bo‘lsa. Demak, o‘qituvchi yolg‘iz ota yoki ona bo‘lsa yozgi ta’tilini qish paytiga ko‘chirsa bo‘ladi, — deydi vazirlik mas’uli Laziz Qarshiyev.
Qolaversa, 229-moddasiga ko‘ra, o‘n to‘rt yoshga to‘lmagan bolasi (o‘n olti yoshga to‘lmagan nogironligi bo‘lgan bolasi) bor ayolning, shu jumladan homiyligida shunday bolasi bor ayolning yoki oilaning betob a’zosini parvarish qilish bilan band bo‘lgan shaxsning iltimosiga ko‘ra, ish beruvchi tibbiy xulosaga muvofiq ularga to‘liqsiz ish kuni yoki to‘liqsiz ish haftasi belgilashga majbur.
Bundan tashqari, farzandlari ta’tilda bo‘lgan vaqtda ota-onalar uchun ularning ish beruvchilarga: yillik mehnat ta’tilini ushbu vaqtda berishi; kelishuvga ko‘ra ish haqi saqlanmagan ta’til berishi; moslashuvchan ish vaqti rejimida yoki masofadan turib ishlash rejimida ishlashga ruxsat berish va rasmiylashtirish tavsiya etiladi.
Izoh (1)
Yashang