Ўзбекистонда ҳукм сураётган аномал совуқ пайтида кўпчилик ташкилотлар ишчиларига онлайн ишлаш имкониятини яратмоқда. Таълим тизимида фаолият юритувчи ўқитувчилар ҳам ёзги таътилини шу совуқ кунларга кўчирса бўладими? Камбағалликни қисқартириш ва бандлик вазирлиги масъули бунга изоҳ берди.
Меҳнат кодекснинг 231-моддасига кўра ўн тўрт ёшга тўлмаган битта ва ундан ортиқ болани (ўн олти ёшга тўлмаган ногиронлиги бўлган болани) тарбиялаётган ёлғиз ота, ёлғиз онага (бева эркаклар, бева аёллар, никоҳдан ажрашганлар, ёлғиз оналарга) ва муддатли ҳарбий хизматни ўтаётган ҳарбий хизматчиларнинг хотинларига йиллик таътиллар, уларнинг хоҳишига кўра ёз вақтида ёки улар учун қулай бўлган бошқа вақтда берилади. Шунингдек, Меҳнат кодексининг 145-моддасига асосан ходимлар қуйидаги ҳолларда таътилни узайтириш ёки бошқа муддатга кўчириш ҳуқуқига эга.Вазирлик масъулининг қўшимча қилишича, амалдаги Меҳнат кодексининг 228-1-моддасига мувофиқ, бюджет ҳисобидан молиявий жиҳатдан таъминланадиган муассасалар ва ташкилотларда ишлаётган уч ёшга тўлмаган болалари бор аёлларга иш вақтининг ҳафтасига ўттиз беш соатдан ошмайдиган қисқартирилган муддати белгиланиши лозим. Иш вақтининг қисқартирилган муддати чоғида аёллар меҳнатига ҳақ тўлаш камайтирилмайди.Аввало вақтинча меҳнатга қобилиятсизлик даврида; ҳомиладорлик ва туғиш таътили муддати бошланганда; йиллик таътил ўқув таътилига тўғри келиб қолганда; давлат ёки жамоат вазифаларини бажараётганда, башарти қонун ҳужжатлари ва бошқа норматив ҳужжатларда бундай вазифаларни бажариш учун ходимни ишдан озод этиш назарда тутилган бўлса. Демак, ўқитувчи ёлғиз ота ёки она бўлса ёзги таътилини қиш пайтига кўчирса бўлади, — дейди вазирлик масъули Лазиз Қаршиев.
Қолаверса, 229-моддасига кўра, ўн тўрт ёшга тўлмаган боласи (ўн олти ёшга тўлмаган ногиронлиги бўлган боласи) бор аёлнинг, шу жумладан ҳомийлигида шундай боласи бор аёлнинг ёки оиланинг бетоб аъзосини парвариш қилиш билан банд бўлган шахснинг илтимосига кўра, иш берувчи тиббий хулосага мувофиқ уларга тўлиқсиз иш куни ёки тўлиқсиз иш ҳафтаси белгилашга мажбур.
Бундан ташқари, фарзандлари таътилда бўлган вақтда ота-оналар учун уларнинг иш берувчиларга: йиллик меҳнат таътилини ушбу вақтда бериши; келишувга кўра иш ҳақи сақланмаган таътил бериши; мослашувчан иш вақти режимида ёки масофадан туриб ишлаш режимида ишлашга рухсат бериш ва расмийлаштириш тавсия этилади.
Изоҳ (1)
Yashang