Toshkent viloyatining Ohangaron tumanidagi ikkita avtomobillarga gaz to‘ldirish kompressor shoxobchasi gazdan noqonuniy foydalanib kelayotgani aniqlanib, gaz tarmog‘idan uzildi.
Energetika vazirligi matbuot xizmatining ma’lum qilishicha, 10-yanvar kuni soat 02:10 lar atrofida ishchi guruh tomonidan Toshkent viloyati, Ohangaron tumani, “O‘zar” MFYda joylashgan “Barhayot plyus” MCHJga qarashli avtomobillarga gaz to‘ldirish kompressor shoxobchasi belgilangan o‘chirish grafigiga rioya etmagan holda faoliyat ko‘rsatayotgani aniqlangan.
Shuningdek, ushbu hududda joylashgan “Metan trans servis” MCHJ hamda “Barhayot plyus” MCHJga qarashli AGTKSHlarning gaz hisoblagichlari belgilangan tartibga zid ravishda o‘rnatilgani ma‘lum bo‘lgan.
Mazkur shoxobchalarning gaz hisoblash uskunalari ekspertizadan o‘tkazilganda, ushbu uskunalar foydalanishga yaroqsiz deb topilib, oxirgi nazorat kunidan bugungi kunga qadar qayta hisob-kitob qilingan.
Natijada “Barhayot plus” MCHJ va “Metan trans servis” MCHJlarga 300 million so‘mdan (jami 600 million so‘m) qo‘shimcha tabiiy gaz hisoblandi. Shu bilan birga, “Barhayot plus” MCHJda 31 million so‘m, “Metan trans servis” MCHJda 80 million so‘m (jami 111 million so‘m) elektr energiyasi uchun qarzdorligi aniqlangan.
Mazkur gaz to‘ldirish kompressor shoxobchalar tabiiy gaz tarmog‘idan uzilgan.
Mavzuga doir:
Izoh (0)