Germaniya Ukrainaga Leopard tanklarini yolg‘iz o‘zi taqdim etmaydi. Bu haqda Germaniya kansleri Olaf Shols Sotsial-demokratik partiya tadbiri chog‘ida ma’lum qildi, deb yozadi Reuters.
U hali ham Ukrainaga qurol-yarog‘ yetkazib berishni ittifoqdoshlar bilan muvofiqlashtirish zarur deb hisoblashini aytdi.
Sholsning so‘zlariga ko‘ra, g‘arblik ittifoqchilar “bunga tayyorgarlik ko‘rish, muhokama qilish va tashkillashtirishga ko‘p vaqt sarflagan”.
“Germaniya bunga yolg‘iz o‘zi kirishmaydi. Germaniya o‘z do‘stlari va ittifoqdoshlari bilan doim yaxlit bo‘lib qoladi”, — dedi Shols bunday xavfli vaziyatda boshqacha ish tutish mas’uliyatsizlik bo‘lishini qo‘shib qo‘yar ekan.
Politico yozishicha, Fransiya va Polsha Ukrainaga Leopard tanklarini yuborishi uchun Germaniyaga bosim o‘tkazmoqda.
Bu tanklar ko‘plab mamlakatlarda, xususan, Ispaniya, Polsha, Gretsiya, Daniya va Finlyandiyada ham bor. Ammo ularni Myunxendagi Krauss-Maffei Wegmann kompaniyasi ishlab chiqaradi, shu sababli ularni Ukrainaga yetkazib berish uchun ishlab chiqaruvchi mamlakatning reeksport uchun ruxsati kerak, shu munosabat bilan hozir “xalqaro bosim Berlinga qaratilgan”, deya aniqlik kiritdi nashr.
Mavzuga doir:
- Zelenskiy Germaniyadan tanklar yetkazib berishni so‘radi
- “Kiyevga qurol yetkazib berishda Berlin imkoniyat chegarasiga yetdi” — Germaniya mudofaa vaziri
- Germaniya Ukrainaga qancha kerak bo‘lsa, shuncha vaqt yordam ko‘rsatishni va’da qildi
- Shols Baydenning Rossiya hududiga zarbalar bera oladigan qurol-yarog‘ni Kiyevga taqdim etmaslik haqidagi fikrini qo‘llab-quvvatladi
Izoh (0)