Professional boksning birinchi yarim yengil vazn toifasida (-55,3 kg) WBA va IBF kamarlari sohibi Murodjon Ahmadaliyev (11-0, 8 KO) va IBF yo‘nalishida majburiy da’vogar Marlon Tapales (36-3, 19 KO) o‘zaro jang qiladi.
The Ring nashrining xabar qilishicha, mazkur jang Matchroom promousheni tomonidan aprel oyida AQSHda o‘tadigan musobaqa doirasida tashkillashtiriladi.
Eslatib o‘tamiz, filippinlik bokschi so‘nggi jangini 2022-yilning may oyida o‘tkazib, unda meksikalik Xose Estradani mag‘lubiyatga uchratgan. Ahmadaliyev esa 2022-yilning iyunida amerikalik Ronni Riosni mag‘lub etib, kamarlarini himoya qilgandi.
28 yoshli o‘zbekistonlik bokschi 2020-yil boshida Daniel Romanni mag‘lub etib, ikkita kamarga ega chiqqandi. Keyinchalik Murodjon Ryosuke Ivasa va Ronni Riosga qarshi janglarda kamarlarini muvaffaqiyatli himoya qildi.
Izoh (0)