Профессионал бокснинг биринчи ярим енгил вазн тоифасида (-55,3 кг) WBA ва IBF камарлари соҳиби Муроджон Аҳмадалиев (11-0, 8 КО) ва IBF йўналишида мажбурий даъвогар Марлон Тапалес (36-3, 19 КО) ўзаро жанг қилади.
The Ring нашрининг хабар қилишича, мазкур жанг Matchroom промоушени томонидан апрель ойида АҚШда ўтадиган мусобақа доирасида ташкиллаштирилади.
Эслатиб ўтамиз, филиппинлик боксчи сўнгги жангини 2022 йилнинг май ойида ўтказиб, унда мексикалик Хосе Эстрадани мағлубиятга учратган. Аҳмадалиев эса 2022 йилнинг июнида америкалик Ронни Риосни мағлуб этиб, камарларини ҳимоя қилганди.
28 ёшли ўзбекистонлик боксчи 2020 йил бошида Даниэль Романни мағлуб этиб, иккита камарга эга чиққанди. Кейинчалик Муроджон Рёсуке Иваса ва Ронни Риосга қарши жангларда камарларини муваффақиятли ҳимоя қилди.
Изоҳ (0)