AQSH olimlari inson miyasida ilgari noma’lum bo‘lgan himoya qatlamini aniqladi

AQSHning Rochester universiteti olimlari inson miyasida yangi to‘qima qatlamini aniqladi. Bu haqda Science Alert xabar berdi.

Mutaxassislarga ko‘ra, mazkur qatlam infeksiyalarga qarshi himoya vazifasini bajaradi. Tadqiqotda asosiy e’tibor miya va orqa miyani o‘rab turgan membranalarga qaratilgan. Yaqin vaqtgacha faqat uchta, ya’ni qattiq, araxnoid va yumshoq qobiq borligi ilgari surilgan.

Yangi tadqiqot shuni ko‘rsatdiki, araxnoid membrana ostidagi bo‘shliqda yana bir qatlam mavjud. Olimlar uni SLYM — subaraxnoid limfa membranasi deb nomladi. Qatlam juda yupqa bo‘lib, uning qalinligi bir yoki bir nechta hujayra bilan o‘lchanadi. Ammo u inson hayotida muhim ahamiyatga ega.

Olimlarning fikriga ko‘ra, qatlamda immunitet hujayralarining o‘z populyatsiyasi mavjud. U miya suyuqligini infeksiya kirmasligi uchun “skanerlaydi”. Qatlamning zararlanishi skleroz yoki Alsgeymer kasalligini qo‘zg‘atishi yoki kuchaytirishi mumkin.

Mavzuga doir: Tibbiyot olamida kashfiyot: olimlar miya saratoniga qarshi vaksina ishlab chiqdi