Toshkentda tez yordam haydovchilari qoidabuzarliklar uchun jarima qog‘ozlari kelayotgani sabab videomurojaat bilan chiqqandi. Ichki ishlar vazirligi hamda Sog‘liqni saqlash vazirligi bu masala bo‘yicha qo‘shma bayonot e’lon qildi.
Ijtimoiy tarmoqlarda tarqalgan ushbu videmurojaatda haydovchilar chaqiruv bo‘yicha harakatlangan vaqtida yo‘l qo‘yilgan qoidabuzarliklar, xususan, tezlikni oshirish, “polosa”ni bosish, qizil chiroqda o‘tib ketganlik uchun jarima qog‘ozlari kelayotganidan shikoyat qilgandi.
Tezkor va maxsus xizmatlarning transport vositalari, shuningdek ular kuzatib kelayotgan transport vositalarining haydovchilari kechiktirib bo‘lmaydigan xizmat vazifalarini bajarayotib, harakatlanish xavfsizligini ta’minlash sharti bilan yo‘l harakati qoidalarining (7-bob, 9-16, 19-20 va 22-boblari, 1 va 2-ilovalari) talablaridan chetga chiqishlari mumkin.
Yo‘l harakatining boshqa qatnashchilariga nisbatan imtiyozga ega bo‘lishi uchun maxsus xizmatlarning transport vositalarida ko‘k yoki qizil yoxud ko‘k va qizil rangli yalt-yalt etuvchi mayoqchalar va maxsus tovushli ishora yoqilgan bo‘lishi shart. Ular o‘zlariga yo‘l berilayotganligiga ishonch hosil qilganlaridan so‘nggina imtiyozdan foydalanishlari mumkin.
Ma’muriy javobgarlik to‘g‘risidagi kodeksning 128-5-moddasi birinchi qismiga ko‘ra, maxsus xizmatlarning ko‘k yoki qizil yoxud ko‘k va qizil rangli yaltiroq mayoqchani yoqqan holda hamda maxsus tovushli signal bilan yaqinlashib kelayotgan transport vositalari to‘siqsiz o‘tib ketishi uchun transport vositalari haydovchilari tomonidan halaqit berish — BHMning besh baravari miqdorida jarima solishga sabab bo‘ladi.
Bayonoda ta’kidlanishicha, 2022-yilning 1-noyabr kuni IIV Yo‘l harakati xavfsizligi, Respublika Tez tibbiy yordam xizmati markazi hamda Sog‘liqni saqlash vazirligi avtotransport bo‘limi mas’ul rahbarlari ishtirokida tez tibbiy yordam avtomobillarining maxsus foto-video fiksatsiya moslamalari orqali qayd etilgan yo‘l harakati qoidalarini buzish holatlari bo‘yicha kelib chiqayotgan muammolar to‘liq bartaraf etilib, ishlash mexanizmi yo‘lga qo‘yilgan.
Izoh (1)
bu nima degan gap tezyordam haydovchilari va shifokorlari, zudlik bilan yolga chiqishadi og'r bemordi kasal xonaga olib borish uchun yoki birinchi yordam korsatish uchun Inson sog'ligi meni fkrim boyicha bu birinchi darajali. va agarda men tez tibbiy yordam mashinasini haydovchisi bolsam men fidoikor Inson db ozim bilaman bemor uchun qolimdan kegancha yordam beraman yollarimizdagi trbanliklar va alg'ov darg'ov yollar nafaqat meni ishlashimga va boshqa hizmat avtomobillargaham yertarlicha halaqit beradi YYX bunday xizmat avtomovillar haydovchilarini kechirish va ularni qilayotgan xizmatini xalq uchun oliy hisoblashimiz kerak db hosoblayman harqanday vaziyattaham IIB hodimi va YPX hodimi har bir kasal honada navbatchilik qilgani va har bir harakat kuzatuv ostida bolishi maxsad muofuq bolar edi Raxmat