Toshkentda tez yordam haydovchilari qoidabuzarliklar uchun jarima qog‘ozlari kelayotgani sabab videomurojaat bilan chiqdi.
Ijtimoiy tarmoqlarda tarqalgan ushbu videmurojaatda haydovchilar chaqiruv bo‘yicha harakatlangan vaqtida yo‘l qo‘yilgan qoidabuzarliklar, xususan, tezlikni oshirish, “polosa”ni bosish, qizil chiroqda o‘tib ketganlik uchun jarima qog‘ozlari kelayotganidan shikoyat qilgan.
Yo‘l harakati xavfsizligi xizmatining ma’lum qilishicha, ushbu videomurojaat batafsil o‘rganilmoqda, natijasi bo‘yicha qo‘shimcha ma’lumot beriladi.
Shuningdek, 2022-yilning 1-noyabrida IIV JXD YHXX boshlig‘i va Tez tibbiy yordam xizmati markazi rahbari hamda SSV avtotransport bo‘limi mas’ul xodimlari ishtirokida tez tibbiy yordam avtomobillarining maxsus foto-video fiksatsiya moslamari orqali qayd etilgan yo‘l harkati qoidalarini buzish holatlari bo‘yicha kelib chiqayotgan muammolarni bartaraf etish yuzasidan uchrashuv tashkil etilib, ishchi guruh tuzilgani bildirib o‘tilgan.
Ma’lumot uchun, tez tibbiy yordam avtomobilining haydovchisi Yo‘l harakati qoidalarining 25-bandi asosida belgilangan tartibda ayrim qoidalarning talablaridan chetga chiqishi mumkin. Bunday holatda maxsus kameralar orqali avtomobil qayd etilgan taqdirda kechiktirib bo‘lmaydigan xizmat vazifalarini bajarganlikni tasdiqlovchi hujjatlar taqdim etilganda haydovchilarning ma’muriy qoidabuzarligi oxirgi zarurat holatlarida sodir etilgan deb topiladi va ma’muriy ish ushbu kodeksning 271-moddasiga muvofiq tugatiladi.
Izoh (1)
хар бир келган жарима учун шоферлар югуриб юриши керакда энди кечиктириб булмайдиган хизмат вазифасини бажрганлигини исботлаш учун! 1 кун ишласа 3 кун гайига хат ташиб юриши керак бу шоферлар. ахмокона бандакан лекин шуни ппс ва йпх автоларини узига куллаб куриш керак.