McDonald’s korporatsiyasi o‘z xodimlarini qisqartirishni rejalashtirmoqda. Bu haqda korporatsiya bosh ijrochi direktori Kris Kempchinskining xodimlarga yo‘llagan maktubiga tayanib CNN xabar berdi.
Uning so‘zlariga ko‘ra, McDonald’s rahbariyati “ayrim lavozimlarni saqlab qolish va ularni kadrlar bilan ta’minlash muhimligini baholash” niyatida. Shu sababli “qiyin qarorlar” qabul qilinadi.
“Ba’zi lavozimlarning ustuvorligi qisqartiriladi, ba’zilari esa butunlay yo‘q qilinadi. Bu global xarajatlarni qisqartirish va o‘sish uchun bizga yordam beradi”, — deydi korporatsiya direktori.
Manba McDonald’s’ning qancha xodimi ishdan bo‘shatilishi mumkinligiga aniqlik kiritmagan.
Uning so‘zlariga ko‘ra, korporatsiya rahbariyati qarorni aprel oyi boshida e’lon qilishni rejalashtirmoqda.
2021-yil oxiriga kelib McDonald’s’ning butun dunyo bo‘ylab ofislari va to‘g‘ridan to‘g‘ri kompaniyaga tegishli restoranlarda 200 mingga yaqin odam ishlagan.
Franchayzing restoranlarida o‘sha paytda butun dunyo bo‘ylab 2 milliondan ortiq odam ishlagan.
Mavzuga doir: McDonald’s Qozog‘istonni tark etish arafasida — Bloomberg
Izoh (0)