Germaniyaning Mercedes-Benz avtomobil ishlab chiqaruvchisi butun dunyo bo‘ylab — Shimoliy Amerika, Yevropa va Xitoyda o‘zining elektr avtomobillarni zaryadlovchi qurilmalar tarmog‘ini yaratish niyatida. Bu haqda Heise xabar berdi.
Ma’lumotlarga ko‘ra, kompaniya 2030-yil oxirigacha elektromobillar uchun 10 mingdan ortiq tez zaryadlash punktlarini yaratishni rejalashtirmoqda.
Birinchi stansiyalar Shimoliy Amerikada bir yil ichida paydo bo‘ladi va ular nafaqat Mercedes-Benz avtomobillari, balki boshqa markadagi avtomobillar uchun ham xizmat qiladi.
“Biz kutishni istamaymiz. O‘zimiz elektr transport vositalarini tez zaryadlovchi global tarmoq yaratamiz”, — deya portaldan iqtibos keltirgan konsern rahbari Ola Kallenius.
Uning so‘zlariga ko‘ra, kompaniya birgina Shimoliy Amerikada bunga 1 milliard yevrodan ortiq sarmoya kiritishga tayyor. 2027-yilga qadar AQSH va Kanadada 2,5 mingta zaryadlovchi qurilmaga ega 400 ga yaqin stansiya yaratish rejalashtirilgan.
Ayni paytda Yevropa va Xitoydagi hamkorlar bilan bir xil tarmoq yaratish bo‘yicha muzokaralar olib borilmoqda, ular hali yakuniga yetmagan.
Izoh (0)