Qoraqalpog‘istonda “Antiterror” tozalash tadbirlari o‘tkazildi. Hukumat ichki ishlar vaziri Baxtiyar Torebekov tadbir natijalari haqida ma’lumot berdi, deb xabar qiladi O‘zA.
Qayd etilishicha, tadbir doirasida 18 ming 200 obyekt hamda 89 ming xonadon jamoatchilik faollari bilan birga ko‘zdan kechirilgan. Tekshiruvlar davomida qidiruvda yurgan 132 nafar shaxs topilib, ushlangan va tergov bo‘limlariga topshirilgan.
Bundan tashqari, olib borilgan tushuntirish ishlari natijasida fuqarolar o‘z ixtiyori bilan 344 ov quroli, 170 o‘q-dorilarni ichki ishlar organlariga topshirgan. 12 nafar bedarak yo‘qolgan shaxs aniqlanib, ular o‘z uylariga qaytarilgan.
57 mingdan ortiq huquqbuzarliklar aniqlanib, aybdorlar tegishli tartibda javobgarlikka tortilgan.
Izoh (0)