O‘zbekistonda 2022-yilda umumiy qiymati 90,57 milliard so‘m bo‘lgan dori vositalariga sertifikat berish rad etildi. Bu haqda Farmatsevtika tarmog‘ini rivojlantirish agentligi huzuridagi markaz xabar berdi.
Qayd etilishicha, farmatsevtika mahsulotlari bo‘yicha murojaatlar asosida 2022-yil davomida taqdim qilingan dori vositalari belgilangan tartibda sertfikatlashtirish uchun tekshiruvdan o‘tkazilgan.
Tahlillar natijasiga ko‘ra 24 ta davlatda va O‘zbekistonda ishlab chiqarilgan 271 turdagi 3 382 502 shartli o‘ram, umumiy qiymati 90,57 milliard so‘m bo‘lgan dori vositalari yaroqsiz deb topilgan.
Shu sababli sertifikatlashtirilishi rad etilib, mazkur sifatsiz dori vositalarining muomalaga chiqarilishini oldi olingan. Ushbu havola orqali sertifikatdan o‘tmagan dori vositalari bilan to‘liq tanishi mumkin.
Izoh (0)