Tesla Ilon Mask boshchiligida yangi savdo belgisi uchun ariza topshirdi. Bu haqda “Kommersant” xabar bermoqda.
O‘tgan hafta taqdim etilgan ariza kompaniya samolyotlar, qayiqlar va boshqalar uchun elektr motorlar ishlab chiqarishni rejalashtirayotganini ko‘rsatadi.
Tesla — Amerikaning elektromobillar ishlab chiqaruvchi kompaniyasi. U o‘zining savdo belgisini “yerusti transporti uchun mo‘ljallanmagan” elektr motorlarini sotish uchun kengaytirmoqda.
Bu orqali kompaniyaning elektr motorlari brendi “samolyot motorlari”, “qayiq motorlari” va “o‘yinchoq motorlari”ga kengaytiriladi.
Ariza topshirishda Tesla hozirda ushbu toifalar uchun tovar belgisidan foydalanmayotganini, biroq kompaniya kelajakda undan foydalanish niyatida ekanini aytadi.
Mask uzoq vaqtdan beri elektrosamolyot yaratish haqida o‘ylayotgan edi, u eVTOL samolyot loyihasi borligini bildirdi. Biroq hozircha Tesla yerdagi transport vositalariga e’tibor qaratgan.
Izoh (0)